Dy të plagosur në një aksident rrugor
Dy automjete janë përplasur me njëri-tjetrin, ku për pasojë kanë mbetur të plagosur dy persona.
Ngjarja ka ndodhur në aksin rrugor Fushë Krujë – Tiranë, në Nikel, në rrugën kryesore. Sipas policisë, mjeti tip Golf me targa AA 047 ED është përplasur me mjetin tip BMW me targa angleze R006YRZ.
Nga ky aksident kanë mbetur të plagosur A.T. 37 vjeç dhe L.M 45 vjeç, banues në Nikel, të cilët ndodhen në Spitalin Ushtarak, jashtë rrezikut për jetën.
Efektivët e policisë kanë mbërritur në në vendngjarje dhe po punojnë për zbardhjen e plotë të saj dhe normalizimin e lëvizjes së mjeteve në këtë aks rrugor./tvklan.al