Dyshime për trukime në Itali, të paktën 5 ndeshje të Serie A
Një tjetër skandal trukimesh në Serie A. Gazeta “La Repubblica” shkruan se mes takimeve janë pesë ndeshjet e ligës kryesore të futbollit në Itali të sezonit të fundit, ku në të gjitha përfshihet Frosinone.
Megjithatë sipas burimeve të kësaj të përditshmeje nuk do të thotë se lojtarët apo klubi të kenë përgjegjësi direkte. Dyshimet hidhen te shuma parash që nuk janë të zakonshme.
Për sfidën Napoli – Frosinone janë hapur hetime për bastet e vendosura për ndëshkimin me karton të kuq të Mirko Gori, ndërsa në takimet e tjera për baste gjatë ndeshjes apo për rezultatin përfundimtar.
Shoqëritë e basteve po përgatisin një dosje që në ditët në vijim do t’i dërgohet autoriteteve dhe mendohet të hedhë dritë rreth këtyre dyshimeve. Kampionati italian ka qenë vazhdimisht i përfshirë në trukime ku ka patur edhe dënime. /TV KLAN