E bukura dhe bisha, foto mahnitëse të luaneshës me fluturën
Këto imazhe spektakolare janë kapur gjatë një momenti ku një luaneshë ka kapur vështrimin e një fluture të këndshme dhe ka qëndruar disa sekonda përballë saj.
Femra luan, pasi është ndjerë pak e bezdisur në fillim nga prania e fluturës, është treguar e butë duke e lejuar të fluturojë në mënyrë paqësore rreth saj.
Këto imazhe janë kapur nga fotografi William Steel në Parkun Nacional “Chobe” në Bostwana, Afrikë. Ai është shprehur se ndihet mjaft entuziast për kapjen e këtyre fotove të cilat nuk janë të zakonshme.
“ Luanesha ishte shtrirë, ajo u ngrit menjëherë pasi vuri re një tufë drerësh, por në atë moment flutura u shfaq përpara syve të saj, duke lëvizur me flatrat shumëngjyrëshe”.
Fotografi ka shtuar se nuk e kishte imagjinuar që të arrinte të bashkonte përmes fotos këto krijesa komplet të kundërta./tvklan.al