E Diela Shqiptare (10 Tetor 2021)
Kejsi ka ardhur sot në program për t’i bërë një kërkesë gjyshit të saj Petritit. A do e pranojë ai lutjen e veçantë të mbesës? Të afërmit e zemrës duam t’i kemi gjithmonë pranë, sidomos gjyshërit me të cilët lidhen ëndrrat më të bukura të fëmijërisë. Kejsi arriti të marrë premtimin nga gjysh Petriti se do shkojë të paktën një herë në dy ditë tek shtëpia e saj, si dikur kur ishte e vogël…
Albumit të miqësisë, i’u shtua dhe fotoja e sotme, 40 vite pas mbarimit të fakultetit. Mes kujtimeve, batutave e mbresave, festa vazhdoi në një tjetër ambient, të gjithë bashkë si dikur.
“Ne jemi çfarë hamë” ka udhëtuar drejt Katundit të Vjetër për të sjellë pak ëmbëlsi mirditore. Pikërisht në “Baven- Toven”, një oaz qetësie në natyrën fantastike të këtij fshati, njihemi dhe me Bajronin, një djalë i ri që ka jetuar jashtë, por është kthyer t’i japë jetë fshatit dhe emrit të familjes së tij. Ndërkohë një zonjë e dashur si Franga, na tregon dhe recetën e ëmbëlsirës tradicionale….
Në formatin “Mam, po ti!?” u kualifikuan sot 3 konkurrentë: Entela, Zeneida dhe Albioni, duke e çuar në 16 numrin e të kualifikuarve për në fazën e dytë. Javën e ardhshme prezantohen 5 konkurrentët e fundit.
Zefi ka thirrur në seancë ndërmjetësimi ish bashkëshorten Terezina me të cilën janë divorcuar përpara 17 vitesh. Që nga ajo periudhë e deri më sot janë në konflikt për shkak të një banese e cila është blerë gjatë kohës kur kanë qenë të martuar. Zefi pretendon se i ka dhënë 10 milionë lekë të vjetra për të hequr dorë nga apartamenti por Terezina thotë se i’a ka kthyer mbrapsht. Prona ka qenë e zaptuar nga motra dhe kunati i Zefit për shumë vite derisa Terezina e mori me vendim gjykate. Një vit më parë, Zefi i’a ka dhuruar ligjërisht apartamentin vajzës, në prani të noterit. Sot ai pretendon se firma i është marrë në gjendje të dehur por kjo kundërshtohet me forcë nga ish bashkëshortja. Si do zgjidhet kjo mosmarrëveshje?
Identitete interesante dhe 20 mijë euro në lojë për konkurrentin Arben Merkaj, trajner dhe mjeshtër i arteve marciale – 3 here mbajtës i titullit kampion. Do të jetë Arbeni një kampion edhe në gjetjen e identiteteve?