E përplas makina, gruaja ndërron jetë 2 orë më pas në spital
Tiranë-Çdo ditë një viktimë nga aksidentet… Një grua 45-vjeçare është përplasur për vdekje nga një automjet. Aksidenti ka ndodhur rreth orës 17:30, në autostradën Tiranë-Durrës, përballë një qendre tregtare.
Policia e Tiranës thotë se automjeti tip “Volkswagen”, i drejtuar nga 26-vjeçari A. F. goditi gruan me inicialet N. L.
45-vjeçarja është dërguar në spital për të marrë ndihmën mjekësore. Pas 2 ore e shtruar në spital, fatkeqësisht gruaja ka humbur jetën, si pasojë e plagëve të marra.
Drejtuesi i automjetit është shoqëruar, ndërsa policia ka nisur hetimet për zbardhjen e shkaqeve./ tvklan.al