E shtuna e futbollit/ Ndeshje emocionuese në Angli, Spanjë dhe Gjermani
Kampionatet më të rëndësishëm Europianë do të kenë një të shtunë të zjarrtë. Në Angli, Spanjë dhe Gjermani do të luhen ndeshjet tepër tërheqëse. Manchester United do të presë Arsenal në orën 13:30 në “Old Trafford”.
Diferenca mes dy ekipeve është 6 pikë me londinezët që janë më pranë kreut, por Wenger nuk e ka mundur asnjëherë një skuadrën të Mourinho. Ekipi nga Mançesteri nuk po kalon momente të mira dhe një humbje do ta vështirësonte akoma më shumë betejën për titullin. Në Spanjë do të luhet derbi madrilen mes Atletico dhe Real. Takimi do të zhvillohet në “Vicente Calderon” një avantazh për ekipin e Simenone. Atletico nuk humbet ndeshjen në fushën e tij prej 2013.
Derbi do të nisë në orën 20:45 dhe do të jetë më i rëndësishëm për Atletico që ka lënë pikë këtë sezon. Në Gjermani do të luhet klasikja mes Borussia Dortmund dhe Bayern Munchen. Skuadra e Ancelotti do të jetë udhëtuese dhe jë hap fals do të rrezikonte kreun, pasi është me pikë të barabarta me surprizën Leipzig. Takimi do të nisë në orën 18:30./TV KLAN