Edhe Kina mbërrin në Mars
Mbërrin në orbitën e planetit Mars edhe Kina. Kështu që sot rreth planetit të kuq rrotullohen dy sonda nga Toka, nga Emiratet e Bashkuara Arabe dhe Kina.
Lajmi u konfirmua për mbërritjen me sukses nga agjencia shtetërore e lajmeve Xinhua. Misioni Tianwen-1 përbëhet nga një orbiter, një lander dhe një rover që më pas, në muajin Maj, do të ulen në sipërfaqen e Marsit për ta studiuar.
Misioni Tianwen-1, që do të thotë, e vërteta qiellore, u nis nga Toka në 23 Korrik, periudhë që përkoi me nisjen edhe të misionit arab Hope dhe atij amerikan Mars 2020. Ky i fundit pritet të mbërrijë pas pak ditësh në destinacion.
Ky është misioni i dytë i Kinës që niset për në Mars. I pari ishte në vititn 2011, por misioni dështoi. Objektivi kësaj here është studimi i atmosferës, sipërfaqes dhe strukturës së brendshme, me synim të veçantë gjetjen e gjurmëve të ujit dhe të jetës.
Klan News