Edicioni i 60-të “Grammy Awards”
Edicioni i 60-të i çmimeve Grammy rikthen në Nju Jork eventin më të madh të trofeve të muzikës.
Një event që këtë vit pritet ta dominojë Hip-Hopi, me reperët JayZ dhe Kendrick Lamar me përkatësisht 8 dhe 6 nominime.
Dy reperët prezantohen me albume që janë titulluar jo sipas këngëve të veçanta. JayZ vjen me albumin “4:44”, ndërsa Kendrick Lamar me “Damn”.
Mes dhjetëra nominimeve, një pjesë e të ftuarve pritet ta përcjellin në këtë mbrëmje fushatën kundër ngacmimeve seksuale në Holliwood, duke mbajtur një trëndafil të bardhë si pjesë e sloganit “Times Up”.
Në mbrëmjen gala që i paraprin çmimeve Grammy spikatën sërish këngëtaret me origjinë shqiptare. Bebe Rexha u paraqit me veshje që nuk i linte shumë hapësirë imagjinatës. Ndërsa Dua Lipa dhe Rita Ora shkëlqyen në të bardha.
Tv Klan