• Shpërndaje

Titujt kryesorë 02 Prill 2010, ora 19:30

Një vit në NATO, Berisha: Shqipëria në një epokë të re

Shqipëria mbush një vit nga anëtarësimi në NATO, një prej ngjarjeve më të mëdha në historinë e kombit. Kryeministri Berisha tha se me hyrjen në NATO, për Shqipërinë ka nisur një epokë e re.

Abuzimet me faturat e energjisë, OSSH nën hetim

Operatori i Sistemit të Shpërndarjes është vënë nën hetim nga prokuroria në lidhje me abuzimet në faturimin e energjisë për muajin Dhjetor të vitit të shkuar. Nisin denoncimet edhe në rrethe.

Bode: Ekonomia, rikthim në dinamikën pozivite

Muaji Mars ka shënuar një kthesë pozivite në ekonominë shqiptare, duke e rikthyer në dinamikën pozivite. Ministri Bode thotë se tendenca pozitive do të vazhdojë dhe do të kontribuojë në uljen e defiçitit dhe rritjen e investimeve publike.

Autizmi, një sëmundje që kërkon dashuri

Bota është fokusuar sot tek sëmundja e autizmit. Në Shqipëri kjo sindromë ka prekur 4 mijë fëmijë. Mjekët thonë se terapia më e mirë është dashuria dhe përkujdesja ndaj kësaj kategorie.

Operacion antidrogë në Itali e Shqipëri, kapet 1 ton kanabis

Një operacion antidrogë mes policisë shqiptare dhe asaj italiane ka çuar në kapjen e më shumë se 1 ton marijuane dhe në arrestimin e 4 personave. Në 3 muaj policia ka sekuestruar 4.5 tonë kanabis.

Miliarder vetëm për 5 orë, por ndershmëria e lë në varfëri

Gabimi i një banke në Shtetet e Bashkuara e ka bërë miliarder një qytetar amerikan, por vetëm për 5 orë. Ai e ka gjetur veten zotërues të 89 miliardë dollarëve, por ka njoftuar menjëherë bankën për gabimin e kryer.

Edicioni i lajmeve Tv Klan  – 02 Prill 2010, ora 19:30 – Spikere: Sonila Meço