Edicioni i lajmeve 04 Mars 2009, ora 19:30
Titujt kryesorë, 04 Mars ora 19:30
Regjistrimi i pasurive të paluajtshme, pengesë për investimet
Procedurat e tejzgjatura të regjistrimit të pasurive të patundshme po pengojnë shitblerjet e pronës dhe investimet. Krahas certifikatës së pronësisë qytetarët duhet të hapin një kartelë në sistemin e ri të regjistrimit, një proces që konsiderohet tepër i ngadaltë.
Meta ashpërson tonet me Ramën, e sfidon në debat
Ilir Meta ka ashpërsuar tonet ndaj Edi Ramës, duke e akuzuar për korrupsion, kapje nga mazhoranca dhe përçarës të së majtës. Për këto akuza e ka sfiduar në një debat televiziv. Reagon selia rozë.
Krimet e luftës, EULEX dënon me 17 vjet burg shqiptarin
Një shqiptar i Kosovës u dënua me 17 vjet burgim në gjykimin e parë për krime lufte. EULEX shpalli fajtor shtetasin kosovar, Gani Gashi, 59 vjeç, nga Komorani, Drenicë, për akuzën vrasje, vrasje në tentativë dhe dëmtim të rëndë fizik.
“Ora shtatë”, starton në Klan Kosova emisioni i mëngjesit
Klan Kosova ka nisur transmetimin e emisionit të mëngjesit. “Ora shtatë” vjen si një format unik për televizionet e Kosovës dhe që në ditën e parë ka bërë për vete një numër të lartë teleshikuesish.
Akuzoi Juven e Milanin, Murinjo para Gjykatës Sportive
Trajneri i Interit ngjalli sërish polemika në Itali dhe tashmë do të përballet edhe me Gjykatën Sportive pas akuzave të lëshuara kundër Juventusit, Milanit e Romës për favorizime në kampionat.
Edicioni i lajmeve Tv Klan – 04 Mars 2009, ora 19:30 – Spikere: Sonila Meço