Edicioni i lajmeve 09 Shkurt 2009, ora 19:30
Titujt kryesorë, 09 Shkurt ora 19:30
Sondazhi, PD fiton zgjedhjet e 28 qershorit
Një sondazh profesional, i kryer në Dhjetor nga fondacioni “Gani Bobi”, nxjerr PD-në fituese të zgjedhjeve të 28 Qershorit. Ky fondacion ka kryer sondazhe me marzh shumë të vogël gabimi edhe në zgjedhjet e 2005-ës dhe 2007-ës.
Atentat anëtarit të Gjykatës së Lartë, mister motivet
Plagoset në një atentat pranë banesës anëtari i Gjykatës së Lartë, Ardian Nuni. Politika dënon ashpër ngjarjen e rëndë, ndërkohë që motivet e këtij krimi mbeten ende mister.
Bakojanis: Greqia mbështetje Shqipërisë në BE dhe OSBE
Ministrja e Jashtme greke, Dora Bakojanis deklaron në Tiranë se Greqia do të mbështesë Shqipërinë në integrimin europian. Teksa Sllovenia ratifikon protokollin e anëtarësimit të Shqipërisë në Aleancën e Atlantikut të Veriut.
Ditë ferri në Australi, zjarret shkaktojnë 130 viktima
Australia po kalon ditë ferri. Ndërsa pjesa qendrore e jugore po digjet nga zjarret e shumtë, pjesa veriore po përballet me përmbytje masive. Numri i viktimave arrin në 130.
Chelsea shkarkon trajnerin Scolari
Chelsea ka shkarkuar trajnerin Felipe Scolari pas barazimit pa gola me Hull City. Trajneri brazilian ka drejtuar Chelsean për 6 muaj, por rezultatet kanë qënë modeste.
Edicioni i lajmeve Tv Klan – 09 Shkurt 2009, ora 19:30 – Spiker: Sonila Meço