Edicioni i lajmeve 13 Shtator 2010, ora 19:30
Titujt kryesorë 13 Shtator 2010, ora 19:30
LSI ndryshon ministrat: Meta në vend të Priftit, Haxhinasto Ministër i Jashtëm
Lëvizja Socialiste për Integrim ka vendosur të ndryshojë përfaqësuesit e saj në qeveri. Meta zëvendëson Priftin, ndërsa Edmond Haxhinasto propozohet Ministër i Jashtëm. Kryeministri Berisha u shpreh se do t’i pranojë këto ndryshime të aleatëve.
Malmstrom: Shqipëria ka dritën jeshile për heqjen e vizave
Komisionerja për çështjet e brendshme në BE, Cicilia Malmstrom tha sot se Komisioni Europian ka të hapur dritën jeshile për heqjen e vizave me Shqipërinë. Sipas saj, vendi ynë ka plotësuar kushtet dhe tashmë pret vetëm miratimin e Këshillit dhe Parlamentit Europian.
Ligji për pronat, PD: Nuk ka asgjë antikushtetuese
Mazhoranca ka hedhur poshtë dekretin e presidentit për ndryshimet në ligjin për kthimin dhe kompensimin e pronës. Përfaqësues të saj në Komisionin e Ligjeve sqaruan se ai është në përputhje me Kushtetutën.
EULEX paralajmëron serbët: Dhunës do t’i përgjigjemi ndryshe
EULEX ka reaguar pas dhunës që shpërtheu dy ditë më parë në Mitrovicë, mes shqiptarëve dhe serbëve, duke paralajmëruar serbët se herën tjetër policia do t’i përgjigjet ndryshe dhunës së tyre.
Regjistrimi i popullisë, frikë për manipulime në Maqedoni
Ndërkombëtarët kanë vendosur të monitorojnë procesin e regjistrimit të popullsisë në Maqedoni, për shkak të dyshimeve të forta se maqedonasit mund ta manipulojnë atë në dëm të shqiptarëve.
Llazi Serbo, fund tragjik për një tjetër aktor shqiptar
Fund tragjik për aktorin e njohur të kinematografisë shqiptare, Llazi Serbo. Ai është gjetur i vetëvrarë në shtëpine e tij me një armë zjarri. Motivet e kësaj tragjedie janë ende të panjohura.
Ish–kampioni i boksit, Hatton filmohet duke marrë kokainë
Ish–kampioni i boksit për peshat e mesme, Ricky Hatton, është filmuar duke marrë kokainë në një banjo publike. Pamjet shokuese u xhiruan për 10 orë me radhë nga e përjavshmja britanike, News of the World.
Edicioni i lajmeve Tv Klan – 13 Shtator 2010, ora 19:30 – Spikere: Sonila Meço