Edicioni i lajmeve 15 Korrik 2010, ora 19:30
Titujt kryesorë 15 Korrik 2010, ora 19:30
Deputeti Prifti: Edi Rama merr drogë dhe fsheh seksualitetin
Ministri i Energjitikës hodhi sot në parlament akuza të ashpra ndaj kryetarit të PS, duke thënë se shpenzon çdo ditë 3 mijë Euro për drogë dhe fsheh seksualitetin e tij. Socialistët reagojnë dhe i thonë t’i provojë akuzat.
MM: Privatizimet janë transparente, PS po tregon injorancë
Ministria e Mbrojtjes i ka cilësuar si shprehje të injorancës akuzat e PS ndaj procesit të privatizimit të mbi 500 objekteve të saj dhe ka garantuar se ky proces po kryhet me transparencë të plotë.
Kodi i ri Rrugor, qytetarët pro ndëshkimeve të larta për shkelësit
Qyetetarët mirëpresin ndryshimet e propozuara nga qeveria për ndëshkimin me gjoba të rënda për drejtuesit e automjeteve, të cilët shkelin rregullat e qarkullimit rrugor, që janë dhe shkaku kryesor i aksidenteve.
Thaçi: Vendimi i GJND, në përputhje me interesat e Kosovës
Gjykata Ndërkombëtare e Drejtësisë do të japë më 22 Korrik opinionin për pavarësinë e Kosovës. Kryeministri Thaçi shpreh bindje se vendimi i saj do të jetë në përputhje me vullnetin e kosovarëve.
Moti i keq në Europë, kaos e viktima në Francë dhe Hollandë
Europa perëndimore është goditur nga një mot i keq, me erëra të forta që kanë shkaktuar viktima, qindra aksidente rrugore dhe dëme materiale. Ndërsa pjesa tjetër e Europës po digjet nga temperaturat e larta.
Superliga, hidhet shorti për sezonin 2010-2011
Superliga e futbollit shqiptar do të nisë me 21 gusht sezonin e ri 2010 – 2011. Shorti për kampionatin ka vendosur ndeshja e parë të luhet mes kampionëve të Dinamos dhe Flamurtarit.
Edicioni i lajmeve Tv Klan – 15 Korrik 2010, ora 19:30 – Spikere: Sonila Meço