• Shpërndaje

Titujt kryesorë 17 Qershor 2010, ora 19:30

Berisha, opozitës: Unë ju respektova, tani jepni alternativat

Kryeministri Berisha tha sot se ofertat e mazhorancës ndaj opozitës kanë qenë në respekt të plotë te ligjit dhe të pakicës, por tashmë është koha që ajo të parashtrojë vetë alternativat e veta. Por Rama thotë se Berisha është përgjegjës për situatën e krijuar.

Taksat e bashkisë në Tiranë, kundër edhe ekspertët e ekonomisë

Ekspertët e ekonomisë thonë se politikat e taksave të larta nga Bashkia e Tiranës janë edhe kundër praktikave botërore ekonomike, që në kohë krize ulin dhe nuk ngrejnë taksat ndaj biznesit. Biznesi i vogël thotë se taksat po çojnë në rrënimin e tyre.

Rëndohet trafiku , bllokohet hyrja për në shesh nga Rruga e Dibrës

Trafiku në kryeqytet ka qenë sot sërish në kaos të vërtetë, për shkak të bllokimit të segmentit që lidh qendrën me Rrugën e Dibrës. Ndërkohë, qytetarët kërkojnë marrjen e masave për mospërsëritjen e situatave të tilla stresuese në rrugët e Tiranës.

Argjentina siguron kualifikimin. Në mbrëmje Francë-Meksikë

Argjentina ka mundur thellë Korenë e Jugut, duke siguruar kalimin në turnin tjetër të botërorit. Greqia ka fituar 2 me 1 ndaj Nigerisë, ndërsa pas pak minutash francezët kanë një përballje të vështirë ndaj Meksikës.

Kapriçot e motit. Në fundjavë bien temperaturat, rikthehen rreshjet

Kapriçot e motit duket se nuk kanë të sosur. Temperaturat e larta do të bien ndjeshëm këtë fundjavë, por në këto ditë territori i vendit do të përfshihet nga rreshje shiu, të cilat do të zgjasin disa ditë.

Edicioni i lajmeve Tv Klan  – 17 Qershor 2010, ora 19:30 – Spikere: Sonila Meço