• Shpërndaje

Titujt kryesorë 20 Prill 2010, ora 19:30

Rreshjet shkaktojnë sërisht përmbytje në Shkodër e Lezhë

Rreshjet e dendura të shiut dhe nisja e shkarkimeve nga hidrocentralet mbi Drin si pasojë e rritjes së prurjeve në kaskadë, kanë shkaktuar sërisht përmbytje në Shkodër. Përmbyten edhe disa zona në Lezhë.

Terror në autobuzin e Sarandës, merret peng nga një 32-vjeçar

Autobuzi i linjës Sarandë-Tiranë, u mor peng në mesditë nga një 32-vjeçar, i cili për afro 20 min i mbajti peng pasagjerët nën terrorr. Makthi merr fund pas përfshirjes së mjetit nga flakët. Policia arreston pengmarrësin, që rezulton të jetë me probleme mendore.

Të përndjekurit kundër Ramës: Ne jo pjesë e programit të PS

Ish-të përndjekurit politikë se përpjekja e Edi Ramës për ta përfshirë këtë shtresë në programin e ri politikë është një mashtrim i ulët që po kurdiset në zyrat e selisë rozë. Sipas tyre persekutorët nuk mund të jenë mbrojtës të interesave të atyre që i përndoqën për dekada.

Legalizimet, nis nesër në banka pagesa me letra me vlerë

Duke nisur nga nesër, në banka nis procesi i pagesës me letra me vlerë për ndërtesat që janë në proces legalizimi. Për sipërfaqet nga 300 – 500 m katrorë, qytetarët mund të paguajn 70% të vlerës me bono.

Largohet reja vullkanike, rihapen qiejt e europës

Kompanitë ajrore të europës kanë shtuar fluturimet gjatë ditës së sotme pas largimit të resë vullkanike të ardhur nga Islanda. Në Rinas ka fluturime vetëm në 4 shtete.

Inter – Barcelona, superndeshja sonte në Tv Klan e Supersport

Sonte në mbrëmje luhet gjysmë finalja e parë e Champions League, ku Interi do të pres në Milano, Barcelonën. Një ndeshje që do të transmetohet drejtpërsëdrejti në Tv Klan e Supersport.

Edicioni i lajmeve Tv Klan  – 20 Prill 2010, ora 19:30 – Spikere: Sonila Meço