Edicioni i lajmeve 26 Shkurt 2010, ora 19:30
Titujt kryesorë 26 Shkurt 2010, ora 19:30
Ministrat e PPE: Opozita të zbatojë vendimet e gjyqësorit
Ministrat e Partive Popullore Europiane i kërkojnë opozitës shqiptare të respektojë Kushtetutën dhe ligjet në qëndrimin e saj për zgjedhjet. Në një deklaratë të përbashkët, të nënshkruar në Romë, ata shprehën qëndrimin se sjellja e saj për hapjen e kutive është e papranueshme.
Rama: Nuk kemi interes për Komisionin e Venecias
Kryetari i Partisë Socialiste, Edi Rama u tregua indiferent ndaj një prononcimi të mundshëm të Komisionit të Venecias për pretendimin e hapjes së kutive të votimit. Ndërkohë ekspertët ligjorë në këtë parti thonë se projekti për Komisionin Hetimor është autogol politik i Ramës.
Vizat, Brukseli i angazhuar t’i heqë brenda verës
Nësa Komisioni Europian çon në Prill propozimin për heqjen e vizave me Shqipërinë, procesi mund të mbarojë brenda verës. Garancia u mor në Bruksel nga Ministri Basha në një takim me homologët europianë.
Berisha: Autoritet Kombëtar për sigurinë në rrugë
Kryeministri Berisha tha sot se do të ngrihet një Autoritet Kombëtar për sigurinë në rrugë, pasi statistikat e aksidenteve janë alarmante. Ndërkohë qeveria siguron 180 milionë Dollarë për rrugët në zonat rurale.
Ulen shkarkimet në HEC-e, përmirësohet situata në Shkodër
Ulja e shkarkimeve nga hidrocentralet mbi kaskadën e Drinit çon në përmirësimin e situatës në Shkodër. Ndërkohë autoritetet në Maqedoni hapin portat e liqenit të Ohrit pas përmbytjes në disa zona përreth.
20% e fëmijëve në Shqipëri vuajnë nga mbipesha
1 në 5 fëmijë në Shqipëri është mbi peshën normale dhe rrezikon të preket nga diabeti, zemra dhe sëmundje të tjera kronike. Studimi i Institutit të Shëndetit Publik tregojnë se statistikat tona janë të ngjashme me ato europiane.
Supersport, ja çiftet e kualifikuara në Europa League
Supersport ka transmetuar mbrëmëndeshjet e vlefshme për kualifikueset e Europa League, 16 prej të cilave do të ndeshen mes tyre më datë 11 dhe 18 Mars.
Edicioni i lajmeve Tv Klan – 26 Shkurt 2010, ora 19:30 – Spikere: Sonila Meço