• Shpërndaje

Titujt kryesorë 28 Gusht 2009, ora 19 30

PS Kongres me dyer të mbyllura, Malaj: Vendimi i dëmshëm

Socialistët mbledhin nesër kongresin, por punimet do të zhvillohen pa
praninë e mediave. Arben Malaj deklaron se ky është një vendim i dëmshëm për partinë. Ai do garojë me Ramën, ndonëse shprehet se ky i fundit kontrollon strukturat e partisë përmes interesave.

Grupi anti-Rama siguron votat për ndryshimet në status

Kritikët e Edi Ramës arrijnë të sigurojnë votat e delegatëve për të
diskutuar paketën Blushi, për ndryshimet statutore. Këto ndryshime mbeshteten dhe nga Mejdani. Socialistët në Greqi i kërkojnë Ramës të pranoj humbjet në zgjedhje dhe të mbajë përgjegjësi të plotë.

Premtimi i fushatës, nis asfaltimi i rrugëve të bregdetit

Premtimi i qeverisë për të asfaltuar brenda qershorit të vitit të ardhshëm,
të gjitha rrugët e fshatrave në bregdet, kanë nisur të materializohen.
Kryeministri inaguroi sot fillimin e punimeve për rrugën e Potamit dhe premtoi investime të tjera për turizmin.

Superkupa e Europës, Barcelona-Shakhatar në Klan e Supersport

Futbolli europian përjeton sot një prej evenimenteve më të rëndësishme të
tij, me superkupën që përball Barcelonen me Shakhatar Doneskun. Kjo ndeshje do
të përcillet drejtëpërsëdrejti nga Tv Klan dhe paketa Supersport.

Kritikët vlersojnë filmin e Minarollit për gjakmarrjen

Festivali ndërkombëtar veror i filmit në Durrës, ka kulmuar mbrëm me
premierën e regjizorit Artan Minarolli. Filmi “Gjallë”, i cili drejton plagën e
rëndë sociale të gjakmarrjes është vlerësuar maksimalisht nga artëdashësit dhe kritikët.

Edicioni i lajmeve Tv Klan  – 28 Gusht 2009, ora 19 30 – Spikere: Sonila Meço