Ekuban zyrtarizohet te Leeds
Caleb Ekuban bën hapin e madh në karrierë duke firmosur për Leeds United në Angli. Ganezi i lindur në Itali tërhoqi vëmendjen e klubit anglez me paraqitjen në kampionatin shqiptar.
Ish-sulmuesi i Partizanit u prezantua zyrtarisht si blerja e re e skuadrës së njohur angleze që synon të ngjitet në Premier League pas disa sezoneve mungesë.
Ekuban firmosi për 4 vite pas përvojës së suksesshme me Partizanin ku realizoi vetëm në kampionat 17 gola, duke e mbyllur në vendin e dytë në klasifkimin e shënuesve në sezonin e kaluar.
Të kuqtë nuk arritën ta mbanin sulmuesin 23-vjeçar dhe Chievo vendosi ta shesë pas disa sezoneve huazim në ligat e ulëta të Italisë dhe së fundi në Superligën e Shqipërisë.
Caleb Ekuban do t’i bashkohet ekipit në Austri ku po zhvillon fazën përgatitore.
Tv Klan