Elbasan aksidenti tragjik në Krrabë – (4 Prill 2000)
Arkiva Lajme – Tv Klan 2000
Këta janë fëmijët e familjes Xhaferri duke marrë mjekim në spitalin e Elbasanit. Kristi 12 vjeç dhe Kostandini 10, janë dërguar në urgjencë pas atij aksidentit tragjik ku nëna e tyre Mariana dhe babai i tyre Sotiri nuk mundën të dilnin të gjallë. Pasi të dalin nga koma dy voglushët do të mësojnë se kanë ngelur jetim.
Ngjarja e rëndë ka ndodhur sot në mëngjes rreth orës 10, në kilometrin 29 në Qafë-Krrabë. Pikërisht në kthesën e ferrit për shofërët e linjës Tiranë-Elbasan, makina Ford Fiesta më targa të Tiranës, e drejtuar nga Sotir Xhaferri për shkak të një frenimi të vonuar bie në humnerë 100m poshtë. Pas disa rrotullimeve nga makina kanë dalë trupat e plagosur rëndë të dy vogëlushve, ndërsa dy prindërit Sotiri dhe Marjana nuk kanë mundur të lëvizin duke gjetur vdekjen brenda në makinë.
Vetëm pak momentit pas aksidentit tragjik policia ka shkuar në vend duke nxjerr më pas me vështirësi trupat e kryefamiljarëve Xhaferri dhe duke çuar në spital fëmijët. Në këtë vend kanë ndodhur 8 aksidente me pasoj 6 të vdekur vetëm brenda pak vitesh. Por aksidenti i rënd i sotëm është paraprirë nga një aksident tjetër në Peqin, ku vdiq një grua e moshuar. Po sot në Peqin një tjetër furgon është aksidentuar duke u plagosur rëndë 10 pasagjerët e tij./tvklan.al
Gazetar – Eduart Frangaj