Elbasan, kompleksi sportiv pritet të rikonstruktohet – (19 Nëntor 2000)
Lajme Arkiva – TV Klan 2000
30 mijë metra katror, kjo është sipërfaqja e kompleksit sportiv përfshirë në rikonstruksion në Elbasan. Për dhjetë vjet ai është lënë në harresë, i ndodhur në afërsi të qendrës së qytetit, kjo hapësirë bëhet mjaft e prekshme nga banorët. Një fushë futbolli, dy basketbolli, dy volejbolli, poligon qitje, pista vrapimi etj, për t’u rikonstruktuar dhe sjellë në gjendje duan 5.2 milion lekë, të cilat janë akorduar nga bashkia dhe këshilli i rrethit.
Këto janë vetëm pjesët e brendshme të ambientit, ku është menduar njëkohësisht edhe për një mur rrethues. Fusha e vjetër është bërë pre e mbeturinave inerte, të cilat kërkojnë të paktën 1 milion lekë të reja për t’u hequr që këtu. Në po këtë vend shiten edhe rrobat e përdorura, tregtarët e të cilëve vetëm në këto momente kanë menduar se ku do të shkojnë./tvklan.al
Gazetare – Holta Zhiti