Elbasan, ndalohen boriet e makinave në ditë dasmash – (31 Korrik 2000)
Lajme Arkiva – Tv Klan 2000
Një martohet e 100 tërbohen thotë populli. Të dielave karvanët e krushqve nuk reshtin së rëni borive në rrugët e qyteteve, por kjo nuk ndodh më në Elbasan. Këto javë numri i dasmave arriti kulmin. Karvanë nga fshati dhe qyteti kalonin nëpër Elbasan, por policia u ndaloi t’ju binin borive dhe u kërkoi të respektonin semaforët. Për të pabindurit uniformat blu vendosën edhe gjoba.
Qarkullimi i shfrenuar i vargut të krushqve jo vetëm prish qetësinë, por rrezikon edhe qarkullimin. Dje në këtë qytet, një makinë me nusen dhe dhëndrin u përplas pikërisht nga mos respektimi i rregullave të qarkullimit, për fat nga aksidenti nuk u dëmtua njeri./tvklan.al
Gazetare – Holta Zhiti