Elbasan, rrëshqitje dheu – (2 Tetor 1999)
Arkiva Lajme – Tv Klan 1999
Rreth 90 familje të fshatit Cerum në rrethin e Elbasanit rrezikojnë të kalojnë dhe një dimër në qiell të hapur. Ka mbi tre vjet që në këtë fshat ndodh fenomeni i rrëshqitjes së dheut dhe për pasojë janë shkatërruar disa shtëpi. 500 banorët e këtij fshati janë strehuar nëpër çadra, magazina, stalla apo tek të afërmit e tyre, por deri tani askush nuk është shqetësuar për ta.
Kryetari i Këshillit të Komunës e ka ngritur këtë shqetësim në të gjitha instancat e pushtetit lokal e qëndror duke përfshirë edhe Presidencën, por deri tani askush nuk është kujtuar për të zgjidhur hallet e 500 banorëve të fshatit Cerum. Për këtë arsye Këshilli Komunal ka vendosur në shenjë proteste që të pezullohen të gjitha aktivitetet sociale të komunës, si shkolla apo shërbimi shëndetësor.
Fshatarët kanë kërcënuar se në rast se nuk merren parasysh kërkesat e tyre ata do të përshkallëzojnë veprimtarinë për të sensibilizuar strukturat shtetërore. Edhe banorët e zonës përreth kanë premtuar se do ti përkrahin të 500 banorët e fshtit Cerunj në rrethin e Elbasanit./tvklan.al