Elbasan, spektakël kushtuar kosovarëve (31 Maj 1999)
“Fol liria ime” mbledh kosovarët në Teatrin Skampa në Elbasan. Artistët elbasanas bashkë me ata kosovarë si Ali Podrimja, Din Mehmeti e të tjerë, kanë organizuar një spektakël për kosovarët që jetojnë në Elbasan. “Fol liria ime” është menduar si një spektakël poetiko muzikor si dhe është ndërthurur me fragmente nga drama “Tokë e ndezur” me interpretimin e aktorëve Kadri Roshi e Demir Hyskaj.
Ky spektakël po shfaqet gratis për familjët kosovarë të strehuara në Elbasan dhe më pas do të jepet nëpër kampingjet me kosovarë në këtë Prefekturë. Më shumë se kushdo tjetër kosovarët kanë duartrokitur spektaklin që u kushtohet atyre dhe dramës që po kalojnë aktualisht./tvklan.al
Gazetar: Eduart Frangaj