Elseid Hysaj mes emrave të merkatos
Elseid Hysaj është kthyer sërish në lajmet e merkatos. Mbrojtësi i Napoli është një pikë e fortë e skuadrës italiane që synon titullin kampion në Serie A, por ekipet e mëdha në kampionatet e tjerë e shohin si një përforcim të mundshëm.
Klauzaola e tij është 50 milionë euro dhe sipas artikullit të botuar të hënën nga “Tuttosport” Bayern Munchen është gati ta shpenzojë këtë shumë për të. Sipas të njëjtës gazetë ditët e fundit është interesuar edhe Arsenal.
Drejtuesit e Napoli nga ana tjetër po punojnë për një kontratë te re me Elseid Hysajn ku të rrisin edhe shumën e klauzolës. Marrëveshja aktuale është e vlefshme deri në Qershor të 2021. Vetë mbrojtësi i pyetur gjatë grumbullimit me Kombëtaren vlerësoi interesimin e skuadrave të mëdha.
Tv Klan