Emërimet e reja në polici – (17 Gusht 1999)
Arkiva Lajme – Tv Klan1999
Kanë nisur sot punën të emëruarit e rinj të policisë së Tiranës. Emra të rinj por dhe të njohur më parë kanë marrë në dorë drejtimin e rendit në kryeqytet. Emërimet e fundit të ministrit të Rendit Publik Spartak Poçi tashmë janë konkretizuar dhe shefat e rinj që sot filluan punën.
Shefi i Komisariatit 3 të kryeqytetit është emëruar Nikoll Vatnika i ardhur nga një qytet verior. Vladimir Nana, ish-shef kuadri në drejtori kalon në drejtimin e rendit në komisariatin 1, duke ndërruar vendin me ish-shefin e mëparshëm Ilirjan Zaimi. Pandi Sulla ish-shef i policisë së rendit në drejtori kalon shef rendi në komisariatin 3 dhe vendin e tij e zë Ylli Vasili.
Ish-shefi i krimeve në drejtori, emërohet në ministr, ndërsa vendin e tij e zë Agim Bardhi. Ndërkohë që emërim-shkarkimet e shumta në Aeroportin e Rinasit priten të konkretizohen së shpejti. I pa prekur nga ndryshimet e fundit ka qenë komisariati 2 ku vazhdon të drejtoj oficeri i karrierës Arben Dashi si dhe komisariati 4 ku vetëm pak kohë më parë pas emërimit të ish-shefit të tij Pjerin Nderu drejtori i policisë së Gjirokastrës, vazhdon në vendin e tij Hyqmet Bilbili./tvklan.al
Gazetar – Eduart Frangaj