Emrat/ Arrestohet ushtari profesionist dhe shoku i tij, shpërndanin kokainë në kryeqytet
Forcat e komisariatit 6 të policisë së tiranës ka vënë në pranga dy të rinj ku njëri prej tyre ishte me profesion ushtar profesionist. Në pranga kanë rënë Xhuljano Kasa, 22 vjeç, me funksion ushtar profesionist në Komandën e Forcave Tokësore dhe Denis Kanani, 21 vjeç, të dy me banim në kryeqytet.
Sipas uniformave blu dy të rinjtë janë konstatuar të ulur në një lokal në rrugën “Llambi Bonata”, ku gjatë kontrollit të ushtruar nga shërbimet e policisë, në tavolinën ku ishin ulur janë gjetur qese të tejdukshme me lëndë të dyshuar narkotike, të mbuluara me një xhup.
Në vijim janë ushtruar kontrolle në banesat e tyre dhe gjatë kontrollit të shtëpisë së Xhuljano Kasës, poshtë dyshekut të krevatit është gjetur një qese me sasi të konsiderueshme pluhuri të bardhë, ( i ndarë në doza) dhe një dokument identifikimi ushtarak, të cilin e paraqiste për t’iu shmangur kontrolleve të policisë, ndërsa gjatë kontrollit të ushtruar në banesën Denis Kananit është gjetur një pistoletë e tipit “Magnum”, me kalibër 9 mm.
Policia ka sekuestruar në cilësinë e provës materiale, 79 gramë lëndë e dyshuar narkotike e llojit kokainë, 582 lëndë e dyshuar narkotike e llojit Cannabis Sativa, pistoletë e llojit “Magnum”, e kalibrit 9 mm, 3 telefona celularë si dhe dokument identifikimi ushtarak Xhuljano Kasës.
Materialet iu referuan Prokurorisë së Rrethit Gjyqësorë Tiranë, në ngarkim të shtetasve të lartpërmendur për veprat penale “Prodhim dhe shitje lëndësh narkotike e kryer në bashkëpunim” dhe “Prodhim dhe mbajtja pa leje e armëve dhe municionit luftarak”, parashikuar nga nenet 283/2 dhe 278 të Kodit Penal.
/tvklan.al