Emri/ Arrestohet 23-vjeçari që qëlloi me armë në Laç
Një ditë pas sherrit në Laç, policia ka arrestuar 23-vjeçarin që qëlloi me armë në ajër. Ai është Xhevahir Agolli (Lika) 23 vjeç, nga fshati Gjormë i Kurbinit.
Ditën e djeshme rreth orës 17:30, ai është konfliktuar me 39-vjeçarin me iniciale E.B, të cilin e goditi me sende të forta dhe më pas dyshohet se ka qëlluar me armë zjarri në ajër dhe është larguar menjëherë nga vendngjarja.
Ndërkohë, është shpallur në kërkim edhe 39-vjeçari, për të cilin policia thotë se pas konfliktit ai u largua dhe nuk ka bërë kallëzim.
Materialet proceduriale do t’i kalojnë Prokurorisë pranë Gjykatës së Shkallës parë Kurbin për veprat penale “Kanosja” dhe “Mbajtja pa leje dhe prodhimi i armëve shpërthyese dhe municionit”. /
tvklan.al