Emri/ Arrestohet shpërndarësi i kokainës, i sekuestrohet edhe një pistoletë
Një 33-vjeçar në Lushnje është arrestuar nga policia pas hetimeve 2-mujore, i cili akuzohet për shpërndarje të drogërave të forta.
I arrestuari është Mario Beqiri, i cili u prangos gjatë operacionit të koduar “Ëhite”. Policia thotë se i arrestuari mbikëqyrej prej disa kohësh si i dyshuar për shpërndarje të kokainës.
Gjatë kontrollit fizik të tij iu gjet 1 dozë kokainë, ndërsa në banesë u sekuestruan 24 gramë kokainë, një peshore elektronike, një pistoletë ECOL Special me 3 fishekë, një thikë, 110 Euro, 400 Dollarë dhe një makinë Audi A3.
Mario Beqiri akuzohet për shitje droge, armëmbajtje pa leje dhe mbajtje pa leje të armëve të zjarrit.
/tvklan.al