Enrique Iglesias bëhet sërish baba
Këngëtari i famshëm Enrique Iglesias është bërë baba për herë të tretë. Lajmin e bëri publik vetë vëllai i tij, ku ka shprehur edhe lumturinë e të qenit xhaxha.
Vetëm pak pasi partnerja Anna Kournikova kishte lindur, Enrique e ndau vet lajmin e bukur për të gjithë fansat e tij ku zbuloi edhe gjininë e bebit. Iglesias publikoi në llogarinë e tij në Instagram një foto me fëmijën e porsalindur që mbante në kokë një fjongo rozë duke treguar se çifti është bërë me vajzë.
Fëmija ka lindur në datën 30 të muajit Janar, por çifti zgjodhi ta bënte publike më vonë. Enrique dhe Anna Kournikova janë gjithashtu prindër të dy binjakëve 2-vjeçarë, të quajtur Lucy dhe Nicholas.
Klan Plus