Familja Ronaldo e gjitha “bardh e zi”
Familja “Ronaldo” mban tashmë ngjyrat bardh e zi. Këtë e vërteton edhe kartolina më e fundit e postuar nga Cristiano Ronaldo në Instagram ku shfaqet me të fejuarën e tij Georgina Rodriguez, me vajzën e tyre Alana Martina 9-muajshe, Cristiano Junior, 8 vjeç, dhe binjakët 14 muajsh, Mateo e Eva Maria në tarracën e rezidencës luksoze në Torino.
Të gjithë të veshur me bluzën e Juventusit dhe e shoqëruar me një mbishkrim “
Familja Bardh e zi deri në fund”
fotoja ka marrë në pak minuta mbi 1 milion pëlqime.
Të shtunën Cristiano Ronaldo mori fitoren e parë me bluzën e Juventusit në “Seria A”, në ndeshjen e parë të sezonit kundër Cheivo-s. 2-3, ku u deshën vetëm 8 minuta për të hapur serinë e tij të golave me fanellën e re.
Transferimi i Ronaldos i cili ka kushtuar 100 milion euro dhe një pagesë prej 30 milionë Eurosh në vit për yllin portugez, duken shpenzime shpejt të rikuperueshme.
Përfitimet e klubit italian nga blerja e futbollistit u panë me shitjet e fanellave ku që në 24 orët e para u shitën 520,000 fanella në kanalet zyrtare të Juventusit duke mbledhur të paktën 52 milionë Euro nga këto shitje.
Tv Klan