Fatmir Mediu: Akuzat ndaj meje të pavërteta (26 korrik 2000)
Kryetari i Partisë Republikane Fatmir Mediu ka protestuar sot në mënyrë publike ndaj shkrimeve të botuara në gazetën “Zëri i Popullit” në të cilin ai cilësohet si një nga trafikantët më të mëdhenj të drogës, prostitucionit dhe të tjerë. Kjo gazetë ka nënvizuar se burimet e informacionit ka qenë gazeta “Settimana” në Zvicër.
Sipas Mediut, Ambasada Zviceriane në Tiranë dhe Ambasada Shqiptare atje, kanë konfirmuar se kjo gazetë nuk ekziston. Kjo fushatë e qëllimshme shpifjesh u shpreh Mediu, bëhet për të njehsuar përgjegjësinë e krimit të ndërtuar nga socialistët me të gjithë klasën politike shqiptare. Mediu ka depozituar në Gjykatën e Tiranës kërkesë padi penale dhe civile ndaj gazetave “Zëri i Popullit” dhe “24 orë”./tvklan.al
Gazetare: Ornela Bego