• Shpërndaje

Është zhvilluar sot konferenca e Partisë Socialiste në qytetin e Durrësit. Në këtë konferencë ishin të pranishëm dhe të deleguarit e kryesisë, kryetari Fatos Nano dhe sekretarja Arta Dade. Ne tha Nano, duhet të punojmë së bashku për të larguar nga pushteti vendor nëpërmjet votës regjimin e Berishës. Nano tha se ne nuk i kemi realizuar 100 % premtimet. Duke u ndalur tek 100%-shat Nano tha:

“Edhe këtu në Durrës dua të garantoj se Partia Socialiste e Shqipërisë është e vendosur t’i kthejë 100 % Shqipërisë nderin dhe dinjitetin që Berisha dhe regjimi i rij ka nëpërkëmbur. “

Duke iu përgjigjur një socialisti xheloz për afrimi e Partisë Socialiste me shoqërinë civile, Nano pohoi:

” Shoqëria civile është diçka e shenjtë po kaq sa është e shenjtë një parti politike serioze siç është Partia Socialiste.”

Për më shumë se pas 3 vitesh, Nano ka cilësuar sot amnistinë e Berishës në vitin 1997 si një akt i shëmtuar i kreut demokrat pasi sipas Nanos atë që ai ka amnistuar do t’a rikthejë në pushtet. Ai tha: ” Lini të gjitha sherret jo parimore midis jush. Mos u hutoni nga demologjia e Berishës për kusari. Hapni sytë dhe mos lejoni të iu kalojnë ujin e zi nën këmbë sërish.”

Socialistët durrsakë sot kanë diskutuar për një sërë problemesh si ndërtimet pa leje, pengesat që sjell pushteti vendor, infrastrukturën, mungesën e ujit të pijshëm, propagandën e partisë e të tjerë, por socialistët jo vetëm që kanë diskutuar por dhe kanë recituar./tvklan.al