Fëmijët kosovarë regjistrohen në shkolla (16 Prill 1999)
Në Shqipëri përveç strehimit fëmijët e ardhur nga Kosova kanë mundur të integrohen në shoqërinë dhe klasat e shkollës. Shkolla “Pjetër Budi” në Tiranë ka regjistruar 33 fëmijë nga klasa e parë deri tek e teta. Gati 4 deri në 5 nxënës në çdo klasë të viteve të ndryshme. Dëshira për mësim i bën këta fëmijë të miqësohen dhe ambjentohen shpejt në këtë sistem shkollor, megjithatë librat tanë i duken më të vështirë.
Një vajzë e ardhur nga Kosova: Librat i kishim më ndryshe, më të thjeshta.
Nxënëse: Ne mundim t’i ngrohim me ngrohtësinë tonë në klasë dhe duke i ofruar atyre ndihmën tonë ata na janë bërë miq të dashur.
Por mësuesja tregon për mangësi. Në këtë shkollë edhe sot kanë vazhduar regjistrimet.
Mësuesja: Ditët e para kur i sollën mund të themi se ishin fare të shpërqëndruar në orën e mësimit, nuk dëgjonin me vëmendje. Ktheheshin mbrapa, shqetësoheshin nga një zhurmë aeroplani jashtë. ndërsa tani janë futur pothuajse në atë rrjedhën e shkollës sonë. Unë si mësuese e lëndës së gjuhës vë re që paraqesin shumë dobësi në krahasim me nxënësit tanë, sidomos qoftë në të shkruar, qoftë edhe në të lexuar.
Në këtë shkollë dhe sot kanë vazhduar regjistrimet./tvklan.al
Gazetare: Holta Zhiti