Festa e Abetares në shkollën “Kushtrimi i Lirisë” (16 Prill 1999)
Shkolla “Kushtrimi i Lirisë” mbledh në ambjentet e saj tre klasat të cilat festojnë sot ditën e mbarimit të Abetares. Festa e Abetares këtë vit përveç prindërve ka pasur në gjirin e saj edhe fëmijë kosovarë. Çdo klasë e kësaj shkolle ka në gjirin e saj dhe fëmijë kosovarë. Pra kjo ditë kujtohet dhe nga ata që abetaren e kanë mësuar në shtëpitë e tyre dhe jo në shkollë.
Të ardhurit nga Kosova pasi kanë kaluar fazën e parë të mësimit dhe shkrimit të të gjitha gërmave mundohen të festojnë këtu bashkë me shokët e tyre duke harruar flakët e shkollave të tyre në Kosovë.Flakë që ndezin urrejtje dhe zgjojnë dashuri për dije. Etja per liri duket nga recitimet e tyre. Fëmijët të pafajshmit gjithmonë dinë të thurin poezi por fjalët e tyre janë gjithmonë për jetë dhe për liri./tvklan.al
Gazetare : Holta Zhiti