Festë në karantinë (Video-Foto)
Në Tajlandë, një grup turistësh amerikanë, australianë dhe britanikë u arrestuan pasi u gjetën duke bërë festë në një apartament me disa vajza tajlandeze, duke thyer rregullat e karantinës ndaj COVID-19.
Të rinjtë ishin duke festuar në një nga zonat më të goditura nga koronavirusi në Tajlandë. Policia gjeti edhe kokainë e kanabis kur ndërhyri në apartamentin ku po qëndronin të rinjtë.
Autoritetet thanë se shkuan në vendngjarje pasi kishin marrë shqetësime nga fqinjët dhe banorët e tjerë të zonës të cilët ishin ankuar për zhurma. Përveç kësaj, tha policia tajlandeze, festa ishte në kundërshtim me rregullat e qeverisë, për të shmangur grumbullimin në turma në ambiente të mbyllura.
Të 14 të rinjtë u arrestuan nga policia dhe akuzohen për shkelje të urdhrit për mosgrumbullime në kuadër të masave kundër COVID-19, si dhe për përdorim të lëndëve narkotike. /tvklan.al
