Festival DEA, projekti i TV Klan dhe Top Albania Radio – (20 Janar 2001)
Lajme Arkiva – TV Klan 2001
Festival DEA, kështu titullohet spektakli më i ri i muzikës së lehtë, që do të realizohet nga TV Klan në bashkëpunim me Top Albania Radio. Ky aktivitet artistik, do të ngjis në skenë këngëtarë, kompozitorë e kantautorë nga më të njohurit në Shqipëri, por edhe nga më të rinjtë. Në lidhje me strukturën e këtij festivali dhe organizimin e tij, regjisori Artur Bejzade shpjegon.
Regjisori Artur Bejzade:- “Tv Klan vjen me një projekt shumë të madh, për të cilën duhen forca të mëdha krijuese. TV Klan merr përsipër këtë me një strukturë vërtet artistike e me një kërkim shumë të madh. Do të jenë 70 këngëtar konkurrues. Veç kësaj kemi një vlerësim total të këngëve pjesëmarrëse dhe gjëja më e veçantë e këtij festivali, që janë çmimet e mëdha, pjesëmarrja e këtyre këngëtarëve fitues në festivale evropiane. Kjo besojë se do i obligojë më tepër krijuesit për të krijuar diçka që të jetë e re në këngën shqiptare. Ky festival do të jetë i gjatë prej dhjetë netësh konkurrim dhe një natë finale, nga ku do të dali dhe fituesi i festivalit”./tvklan.al
Gazetare – Fjodora Fjora