Festivali Folklorik, kandidatët pjesëmarrës (11 Mars 1999)
Konkurencë midis rretheve të Shqipërisë për të fituar organizimin e Festivalit Folklorik Kombëtar. Mbyllja e afatit të paraqitjes së dosjeve për çdo rreth ka sjellë para zyrtarëve të Ministrisë së Kulturës kandidatë nga 10 rrethe të Shqipërisë. Secili nga kandidatët është përpjekur të ofrojë sa më shumë që ka qënë e mundur duke filluar nga historia, kështjellat, folklori i zhvilluar deri tek hotelet dhe kushtet për qëndrimin e folkloristëve.
Edhe Ministria e Kulturës ka caktuar kushte për kandidatët. Nesër një Komision i ngritur për vlerësimin e dosjeve të rretheve do të zgjedhë tre kandidaturat më të forta nga të cilat brenda një jave do të zgjidhet dhe fituesi përfundimtar. Po kush do të fitojë? Vlora, Durrësi, Shkodra,Berati apo Gjirokastra? Mesa duket ky do të jetë festivali i qytetit që ofron më shumë./tvklan.al
Gazetar: Altin Hazizaj