Festivali i Sanremos (25 Shkurt 1999)
Sot është hapur në Itali Festivali i 49-të i muzikës italiane ai i Sanremos që prezantohet nga dyshja e famshme Fabio Fazio dhe Letizia Kasta, modele e njohur franceze. Prania e saj në Sanremo ka ngjallur diskutime për kritikët italianë për faktin se Kasta nuk e zotëron mirë gjuhën italiane.
Megjithë kritikat e shumta ky edicion ka filluar sot në orën 19:00 me pjesëmarrjen e këngëtarëve të njohur italianë si dhe të ftuarve specialë nga bota. Në listën e gjatë të të ftuarve nuk mungonin emra si Mariah Carey, Moriset, Sher dhe Antonio Banderas. Po ashtu të ftuar do jenë Morandi dhe Zero.
Siç dihet Sanremo zgjat 5 ditë dhe të gjithë këngëtarët paraqesin këngët e tyre para publikut gjatë dy netëve të para. Në garë janë emra të njohur e të panjohur dhe sipas komentatorëve surprizat nuk kanë për të munguar./tvklan.al
Gazetar : Altin Hazizaj