Finalja e Festivalit të 39-të të Këngës (24 Dhjetor 2000)
Festivali i 39-të i Këngës në Radio Televizionin Shqiptar mbyllet sot me natën finale. Pas konkurrimit të 20 këngëtarëve të njohur dhe 8 zërave të rinj, sot do të shpallen edhe fituesit. Nga 50 këngëtarët që konkurrojnë sot, 3 do të nderohen me çmime si dhe shumë fitues të tjerë do t’i radhiten listës së fituesve të festivaleve në vite.
Si evenimenti më i rëndësishëm i vitit për muzikën e lehtë ky festival nuk ka kaluar pa probleme. Ndërprerja e energjisë elektrike në sallë ka shqetësuar si këngëtarët, ashtu dhe drejtuesit e kësaj maratone të këngës. Drejtori i Festivalit Martin Leka, thotë:
“Problemi është që ne nuk duhet të shqetësohemi shumë në fakt pse ikën dritat në Pallatin e Kongreseve, ne duhet të shqetësohemi se pse ikin dritat në Shqipëri. Megjithatë ky është një rast i paprecedentë i cili duhet të krijojë vëmendjene duhur. Për spektaklin sonte mendoj se duhet të kemi shpresën tek zoti. Unë kam besim se sonte do të kemi një spektakël të vërtetë ku i gjithë spektakli do të jetë gjë e re.”
Festkënga 2000 do të ngjisë sonte jo vetëm emra të njohur të muzikës së lehtë, por dhe mjaft këngëtare të ftuar./tvklan.al