Fitore rekord për Manchester UTD
Përsëriti suksesin e 21 viteve më parë në Premier League
Manchester United përsëriti fitoren rekord 9-0 të realizuar thuajse 21 vite më parë në Old Trafford. Një sukses i thellë ndaj Southampton që dikur e shënoi ndaj Ipswich Town në Premier League.
Një lojë grupi, pasi shënuesit ishin 7, ndërsa u ndihmuan edhe nga autogoli i Bednarek. Një takim i zgjidhur që në pjesën e parë, pasi ekipet shkuan në pushim me rezultatin 4-0.
Manchester United zotëroi sfidën edhe në qarkullimin e topit rreth 75% të kohës, ndërsa i dha mundësinë në pak raste kundërshtarit të godiste portën.
Southampton luajti prej minutës së dytë me 10 lojtarë dhe pak para fundit me 9 për shkak të kartonëve të kuq, por kjo nuk i heq meritën futbollistëve të Manchester United që synojnë titullin kampion.
Tv Klan