“Foltorja” nesër në Elbasan, Berisha: Ftoj demokratët të marrin pjesë
Ish-kryeministri i Shqipërisë, Sali Berisha, ka njoftuar sot se “Foltorja” e radhës do të zhvendoset nesër ne Elbasan.
Në një postim në mediat sociale, Berisha u bën thirrje të gjithë demokratëve që të marrin pjesë, pasi siç thotë “vetëm të bashkuar mund të fitojmë”.
“Ditën e premte me datën 8 Tetor në ora 18:00 në sallën e Teatrit Skampa të Elbasanit do mbahet “Foltorja: Për një Parti Demokratike me të bashkuar, më të fortë, më të hapur”. Ftoj demokratët dhe demokratët e Elbasanit të marrin pjesë. Vetëm të bashkuar fitojmë!”, është ky njoftimi i Berishës.
Më herët ish-kreu i PD ka mbajtur “Foltoren” në Tiranë, Durrës, Vlorë, Gjirokastër dhe Shkodër./tvklan.al