Forumi për sfidat e investimeve në Shqipëri – (28 Qershor 2000)
Lajme Arkiva – Tv Klan 2000
Instituti për Bashkëpunim dhe Zhvillim, ka mbledhur sot forumin “Sfida e investimeve në Shqipëri nga ’91 deri sot”. Pjesëmarrësit kanë diskutuar kryesisht rreth investimeve në sektorë të ndryshëm të ekonomisë, kryesisht në atë privat dhe të turizmit. Ndërsa përfaqësuesit e shoqatave të biznesit të huaj kanë paraqitur risqet që ekzistojnë për të investuar në Shqipëri.
Duke u ndalur tek investimet në sektorët prodhues, forumi ka diskutuar rreth strategjisë së zhvillimit të degëve të industrisë, ndërtimit të rrugëve etj. Paralelisht po në sallat e Pallatit të Kongreseve, janë zhvilluar edhe tryezat e rrumbullakëta për procesin e kreditimit, nxitjen e investimeve në bujqësi, si dhe në tregun e banesave./tvklan.al
Gazetare – Ornela Bego