Foto/ FA vijojnë operacionin në Shkodër
Forcat e Armatosura vazhdojnë operacionin me mbi 200 forca dhe dhjetëra mjete në Dajç, Obot, Trush, Livadhe, Velipoje, Pentar dhe në qytetin Shkodrës.
Në një njoftim për mediat, Ministria e Mbrojtjes thotë se gjatë natës janë vendosur mbi 2 mijë thasë rëre në argjinaturën e fshatit Pentar, ndërsa efektivët e FA janë prezentë në çdo zonë ku shtimi i nivelit të ujit paraqet rrezik për banorët dhe bagëtitë. Gjatë orëve të mesditës, drejt Shkodrës u nisën edhe 50 efektivë të batalionit komando për të mbështetur efektivët e FA në përballimin e situatës.
/tvklan.al