Foto/ Gjenden thasë me kanabis, procedohet kryeplaku i fshatit
Disa thasë me kanabis janë gjetur nga policia në fshatin Limar të Këlcyrës në vendin e quajtur “Ferra e kuqe”.
Policia thotë se pesha totale e drogës së gjetur është 107 kg. Për këtë rast droge, është proceduar penalisht në gjendje të lirë kryeplaku i fshatit Limar P.K 35 vjeç për shpërdorim detyre dhe moskallëzim krimi. Policia thotë se kishte informacione në rrugë operative për thasët me drogë dhe ka identifikuar dy persona, të cilët janë shpallur në kërkim. Identiteti i tyre nuk bëhet i ditur për shkak të hetimeve që janë në zhvillim. /tvklan.al
