Foto/ Goditet aeroplani, pasagjerët përjetojnë tmerr
Pasagjerët e linjës së fluturimit nga Moska drejt Shën Petersburgut në Rusi kanë përjetur tmerr pasi aeroplani i tyre u godit në pjesën ballore.
Sikurse duket në foto, aeroplani u përplas me një tufë zogjsh në momentin që po ulej në pistën e aeroportit.
Pasagjerët thonë se u trembën dhe përjetuan çaste të frikshme deri sa avioni u ul i sigurt në tokë. Megjithatë, fatmirësisht asnjë prej pasagjerëve nuk mbeti i lënduar. Po kështu, edhe aeroplani u ul pa probleme. Një zëdhënëse e aeroportit konfirmoi ngjarjen. Nga goditja, hunda e aeroplanit u shkatërrua pothuajse e tëra.
Ekspertët thonë se aeroplani duhet të jetë ndeshur me një tufë shumë të madhe zogjsh, teksa e përshkruajnë këtë ngjarje si një aksident të rëndë. /tvklan.al