Foto/ Kapet drogë në doganën e Muriqanit, arrestohet trafikanti
Një rast i trafikut ndërkombëtar të drogës është goditur nga policia kufitare e Muriqanit në Shkodër. Një automjet tip Renault me targa AA419RX po trafikonte 19 kg kanabis. Droga ishte fshehur në shasinë e automjetit e ndarë në 20 pako.
Policia arrestoi drejtuesin e makinës, 29-vjeçarin Zeqir Rrapi nga Vlora. Gjithashtu, gjatë kontrollit të ushtruar në banesën e tij në Vlorë, u gjet një tjetër sasi droge. Policia thotë se destinacion i lëndës narkotike ishte Italia. Hetimet janë duke vazhduar për të zbuluar personat e tjerë të përfshirë në këtë veprimtari kriminale. Zeqir Rrapi akuzohet për trafik ndërkombëtar droge i mbetur në tentativë./tvklan.al
