Foto/ Përplaset mikrobusi me karroatrecin
Dy mjete janë përfshirë në një aksident në aksin rrugor Milot - Rubik. Mësohet se një mikrobus është përplasur me një karroatrec, që po transportonte një makinë të aksidentuar. Sipas informacioneve paraprake, janë plagosur pasagjerët që ndodheshin në karroatrec.
Burimet policore thonë për tvklan.al se mikrobusi po transportonte disa punëtorë, të cilët kanë pësuar lëndime. Ata janë dërguar në spital për të marrë ndihmë mjekësore.
Tvklan.al ka siguruar disa foto nga vendngjarja e aksidentit. Aty kanë mbërritur edhe forcat e policisë, të cilat kanë nisur hetimet për zbardhjen e shkaqeve. Ndërsa dëshmitarë nga vendngjarja thonë se karroatreci ka qenë në anë të aksit rrugor për të marrë automjetin "Volksëagen Golf" ngjyrë të zezë. Ky mjet kishte dalë nga rruga pasi kishte humbur kontrollin për shkak të shpejtësisë së lartë.
/tvklan.al