Foto/ Shqiptarët mbjellin kanabis në kufirin me Greqinë
Shqiptarëve nuk iu mjaftojnë tokat brenda territorit të tyre, për të mbjellë kanabis. Policia e Janinës ka zbuluar një parcelë me kanabis në kufirin greko-shqiptar, në vendin e quajtur Agia Marina.
Autoritetet greke zbuluan më shumë se 3 mijë kanabis në një zonë të pyllëzuar.
Autorët kishin krijuar hapësirën dhe kushtet e nevojshme për parcelat me drogë dhe vendin e kishin rrethuar me ferra dhe gjethe në mënyrë që parcela të mos binte në sy.
Policia greke dyshon se kultivuesit janë shqiptarë, të cilët kalojnë ilegalisht kufirin drejt shtetit helen sa për të mbjellë kanabisin dhe më pas kthehen sërish në Shqipëri./tvklan.al
