Foto/ Shufra metalike i shpon gjoksin shoferit të makinës (Kujdes, pamje të rënda)
Çuditërisht, një shofer makine i shpëtoi një aksidenti të rëndë automobilistik. 26-vjeçari humbi kontrollin e makinës dhe u përplas me barrierat anësore mbrojtëse të rrugës, e cila i depërtoi në gjoks.
Një shufër metalike rreth 1 metër e shpoi tej për tej trupin e 26-vjeçari, por ky i fundit ishte i vetëdijshëm. Qytetarë të rastit i dhanë atij ndihmën e parë, duke prerë shufrën nga barriera anësore. Ai më pas u dërgua në spital ku ju nënshtrua operacionit. I riu qëndroi zgjuar gjatë gjithë kohës deri sa mjekët hoqën shufrën metalike nga gjoksi i tij. Operacioni ishte i ndërlikuar dhe zgjati 2 orë e gjysmë. Në përfundim, shufra u hoq me sukses, por i riu humbi dy gishta dhe 9 brinjë ju thyenë. Mëlçia e 26-vjeçarit është dëmtuar pjesërisht, por mjekët thonë se nuk përbën rrezik. Ai është ende në spital, por do të dalë sapo gjendja e tij të stabilizohet. Aksidenti ka ndodhur në qytetin Ahmedabad në Indi. /tvklan.al
