Foto të reja, akuza të vjetra për Khloe Kardashian
Khloe Kardashian i mrekulloi fansat në fotot e postuara së fundmi ditën e djeshme, deri në momentin që ata zbuluan diçka që nuk shkonte. Dhe “surprizë!”: e akuzuan sërish për Photoshop.
E veshur me një kostum të puthitur pas trupit në ngjyrë kumbulle, Khloe u përkul përpara kamerës duke reklamuar të pasmet e saj, ndërsa në foton tjetër pozoi e pështetur pas një muri me krahët e hapur.
Pikërisht krahët ishin ata që tërhoqën vëmendjen: ata duken shumë të gjatë dhe komentet vijuan:
“Krahë prej vajze elastike” dhe “Kur krahët e saj janë të gjatë sa i gjithë trupi”. Por nuk mbaroi këtu. Edhe fotoja ku Khloe është e përkulur mori kritikat e saj. Disa ndjekës thonë se “të pasmet janë zmadhuar” dhe “muri pas saj nuk ishte i drejtë” dhe shumë të tjerë bien dakord me këto fjalë.
Khloe u vendos në qendër të vëmendjes për të njëjtën arsye para pak kohësh kur kërkoi heqjen e një fotoje të pandryshuar të saj nga interneti./tvklan.al